Հանրակրթական դիջիթեք 10-րդ միջազգային ստուգատես

Կազմակերպիչ՝             Երևանի «Մխիթար Սեբաստացի» կրթահամալիր
Աջակից՝                          ՀՀ   ԿԳՆ
Պաշտոնական կայք      edudigitech.mskh.am

Նպատակը՝                 Ստուգատեսը կազմակերպվում է որպես ուսուցիչների, սովորողի, սովորողների խմբի ուսումնական նախագիծ, որի նպատակն է հանրակրթության մեջ թվային միջոցների, տեղեկատվական տեխնոլոգիաների կիրառման, մոբիլ և ստեղծական ուսուցման փորձի ներկայացումը, ամփոփումը, խրախուսումը, տարածումը:

Անվանակարգերը

1. Մեդիակրթության նոր գործիքի, միջոցի յուրացում-կիրառում
2. Ուսումնական բաց նախագիծ
3. Ուսումնական պարապմունքների, ծրագրի նոր կազմակերպում
4. Ուսումնական-ստեղծագործական հավաքի, պլեների, ճամբարի նախագիծ
5. Մանկավարժական փորձի տարածման ուսումնական նախագիծ
6. Դիջիթեքը նախակրթարանում
7. Դիջիթեքը շրջանավարտի գործիք
8. Դիջիթեքը ընտանիքում
9. Դիջիթեքը լրացուցիչ կրթության գործիք
10. Դիջիթեքը ինքնակրթության գործիք
11. Հեռավար ուսուցման հեղինակային նյութերի փաթեթ
12. Հանրակրթության մեդիասպասարկում

Աշխատակարգ

Հանրակրթական Դիջիթեքի նյութերը՝

• մեդիանյութեր՝ տեսադաս, առցանց ուսումնական պարապմունք, պարապմունքների շարք, հեռավար ուսուցման փաթեթներ,
• թվային միջոցներով ուսուցման փորձի ներկայացման-տարածման ճամբարային ուսումնական նախագծեր՝ կլոր սեղան, վարպետության պարապմունք, վերապատրաստում։

Հունվարի 8-ից հունվարի 26-ը՝ ուսումնական նախագծերի իրականացում, ստուգատեսի նյութերի հրապարակում ուսուցիչների և սովորողների բլոգներում, անհատական կայքերում, mskh.am-ում, այլ սոցցանցերում. անհատական, խմբային, դասարանական, դպրոցական, ընտանեկան մասնակցության հայտերի գրանցում: Հայտը ներառում է՝

• անվանակարգի նշումը.
• նախագծի իրականացման ժամկետները, հաշվետվության հղումը.
• նյութերի փաթեթը,
• տեսադասի հղումը,
• մեթոդական հոդվածի հղումը:

Հունվարի 29–փետրվարի 9-ը՝ ստուգատեսային աշխատանքների բաց գնահատում։

Փետրվարի 9-ին- հատուկ, խրախուսական, անվանական մրցանակների հանձնում նախաձեռնող անհատների, խմբերի, կազմակերպությունների կողմից։

Փետրվարի 9-ին — մրցանակային աշխատանքերի հրապարակում։

Հանրակրթական դիջիթեքի մրցանակը ստեղծագործական ճամբարի ուղեգիր է։ Հատուկ, խրախուսական, անվանական մրցանակներ հայտարարում և հանձնում են նախաձեռնող անհատները, խմբերը, կազմակերպությունները:

Կրթահամալիրն ապահովվում է արտերկրից ներկայացված հայտի և հոդվածի հայերեն թարգմանությունը: Ցանկացողները կօգտվեն կրթահամալիրի կրթական փոխանակումների կացարաններից: Կրթահամալիրի կրթական բոլոր օբյեկտներում մշտապես գործում է անլար ինտերնետ:

Ստուգատեսի կազմակերպական խորհուրդ՝ կրթահամալիրի մասնախմբերի ղեկավարներ