Հանրակրթական Դիջիթեքը հեղինակային կրթական ծրագրերի և թվային տեղեկատվական տեխնոլոգիաների կիրառման ստուգատես է, որն ուղղված է կրթության ոլորտում նորարարական մոտեցումների խթանմանը։

Նպատակը

Ներկայացնել և խթանել թվային տեղեկատվական տեխնոլոգիաների կիրառումը հանրակրթության ոլորտում՝ զարգացնելով ստեղծարար մտածողություն, համագործակցության հմտություններ և տեխնոլոգիական գրագիտություն։

Խնդիրները

• Նորարարական ուսումնական նախագծերի ստեղծում և ներկայացում։
• Թվային գործիքների կիրառման լավագույն փորձի տարածում։
• Ուսուցիչների և սովորողների համագործակցության խթանում։
• Ստեղծել հարթակ նոր գաղափարներ ներկայացնելու և կիսվելու համար։

Դիջիթեքի ուղղությունները

1. Թվային ուսուցման ծրագրեր.
   • Տեխնոլոգիաների կիրառմամբ դասերի նախագծեր։
2. Ծրագրավորում և խաղերի մշակում.
   • Մանկավարժական և ուսուցողական խաղեր, ծրագրավորման հետաքրքիր նախագծեր։
3. Գրաֆիկական դիզայն և մեդիա.
   • Ուսումնական նյութերի ստեղծման նորարարական մեթոդներ։
4. Թվային գործիքների ինտեգրացիա.
   • Կրթական գործընթացում տարբեր թվային հարթակների և գործիքների կիրառման օրինակներ։

Ինչպես մասնակցել

• Մասնակից խմբերը, անհատները պետք է ըստ վերոնշյալ ուղղություններից մեկի պետք է պատրաստեն տեսաուղղեցույց և հայտագրեն իրենց նախագիծը Դիջիթեք 2025-ի համար։
• Մասնակցության համար անհրաժեշտ է լրացնել հայտադիմումը:

Հայտին ներկայացվող պահանջները

Հայտում մասնակիցը պետք է լրացնի իր կամ խմբի կոնտակտային տվյալները և որևէ հարթակում հրապարակված տեսաուղղեցույցի հղումը։ Տեսաուղղեցույցը (video tutorial) ուսուցողական վիդեո է, որն ուղղված է ինչ-որ նոր թեմայի, գործիքի կամ հմտության բացատրությանը։ Այն կարող պարունակել է հետևյալ տարրերը.

• Տեսողական ցուցադրություն՝ համակարգչի էկրանի կամ իրական ցուցադրություն, թե ինչպես է գործիքը կամ գործընթացը աշխատում։
• Բառային բացատրություն՝ վիդեոյի ընթացքում խոսակցական կամ տեքստային ուղեկցություն, որը մանրամասնորեն բացատրում է քայլերը։
• Գործնական ցուցադրություն՝ կոնկրետ օրինակների միջոցով ցուցադրվում է, թե ինչպես օգտագործել գործիքը կամ իրականացնել գործընթացը։
• Հստակ քայլեր՝ լսարանը պետք է հնարավորություն ունենա հեշտությամբ հետևել քայլ առ քայլ ցուցումներին։ Այսինքն, վիդեոյի, ձայնի որակը պետք է առավելագույնս բարձր լինի։

Կազմակերպման փուլերը

• Նախագծերի ներկայացում, հայտագրում. Մասնակիցները հայտագրում են իրենց կողմից ստեղծված տեսաուղղեցույցները, պահանջներին բավարարողները նույն օրը հրապարակվում են կայքի Դիջիթեք բաժնում։ Ճամբարային ջոկատները, նախագծային խմբերը արդեն իսկ հրապարակված տեսաուղղեցույցների միջոցով ծանոթանում են նոր թվային գործիքներին, ձեռք բերում անհրաժեշտ հմտություններ՝ դրանք ուսումնական պրոցեսում կիրառելու համար։ (Բոլոր հայտերը՝ այստեղ)։
• Վարպետության դասեր. Առկա միջավայրում ուսուցիչները, ծնողները, սովորողները, շրջանավարտները և ոլորտի հրավիրյալ մասնագետները դիջիթեքյան օրերին կազմակերպում են թվային գործիքների, տեխնոլոգիաների ոլորտի նորարարությունների մասին վարպետության դասեր։

---

📅 Դիջիթեքի անցկացման ժամկետները. հունվարի 7-31, 2025թ․
📍 Վայր. Երևանի Մխիթար Սեբաստացի կրթահամալիրի Հետազոտական վարժարան
📞 Հարցերի համար. 093630026, Հերմինե Անտոնյան

Նկարը՝ Chagpt-ի։